حماية الخصوصية وتنصيب شبكة إفتراضية خاصة VPN على سيرفر أوبونتو

لو إنت في قهوة, أو في مطعم, أو في أي مكان عام فيه شبكة إتصال بالإنترنت WiFi في الأغلب الإتصال بيكون أقل حماية وبيعرض بياناتك للسرقة لو في هاكر إبن حلال في نفس المكان وحابب يهزر ولا حاجة هتكون مشكلة بالنسبة لك, وعلشان تكون واثق من حماية بياناتك وتشفير إتصالك مفيش أنسب من إنك تعمل ده بنفسك وده أفضل طبعاً من الشركات أو الأفراد اللي بتقدم VPN مجاني وأحياناً المدفوع كمان من ناحية حماية الخصوصية واللي بتعمله الشبكة الإفتراضية الخاصة غير حماية البيانات وتشفيرها هو تغير موقع إتصالك من مصر مثلاً لأي دولة موجود عليها السيرفر اللي هتختاره, لو السيرفر موجود في أمريكا ده معناه إنك هتقدر تفتح وتشترك في كل المواقع اللي بتقدم خدمات بتشتغل هناك بس زي Netflix و Hulu كمثال وإنت قاعد في مكانك من غير ما تسافر.

اللي هنحتاجه علشان نجهز تشفير الإتصال و حماية الخصوصية للأجهزة الشخصية هو إن إحنا هنحجز سيرفر إفتراضي VPS شغال بنظام Ubuntu 64bit وهيكلفنا 5 دولار كل شهر أو 40 جنيه مصري فيه شركات كتير لكن أفضلهم بالنسبالي شركة DigitalOcean علشان أسعارها قليلة وأوضح بالنسبة لأي حد مبتدئ وبتوفر وقت بالنسبة لأي حد محترف واللينك هيديلك 10 دولار مجانية كبداية, وبعدها شركة Amazon AWS اللي بتقدم حل مجاني لمدة سنة لكنها معقدة بالنسبة للمستخدم العادي.

متابعة قراءة حماية الخصوصية وتنصيب شبكة إفتراضية خاصة VPN على سيرفر أوبونتو

تصميم مواقع الإنترنت: البحث عن المعلومات

تصميم المواقع يعتبر أحد أهم الفنون الحديثة اللي من خلالها تقدر توجه المستخدمين أو العملاء لمواقع الإنترنت لتحقيق أفضل تجربة في إستخدام الخدمة أو المنتج, وعلشان كدة تصميم المواقع ليه عدة مراحل وأحياناً بتطلب أكتر من شخص في المشاريع الكبيرة, هناقش في المقالة دي أساسيات ومتطلبات تصميم المواقع لأي شخص مبتدئ علشان يقدر يدخل السوق بصدر مفتوح فيما بعد, وزي ما إتفقنا في مقالة “الفلسفة التكنولوجية في إستخدام الإنترنت” دي هتكون المقالة الأولى في سلسلة تصميم مواقع الإنترنت.

العالم زي ما بيقولوا أصبح صغير بسبب الإنترنت, لكن ده مش حقيقي نسبياً الإنترنت فيه مائات الملايين من المواقع الإليكترونية ومائات ألاف الخدمات دي مش حاجة صغيرة على ما أعتقد, الإنترنت زي ما إتفقنا في المقالة اللي فاتت أكبر من الفيس بوك وتويتر وجوجل نفسها كل شخص بيمثل نفسه في طريقة إستخدامه للإنترنت.

حرب المعلومات في العصر ده ملهاش أي مخرج غير إن إحنا نتسلح بالعلم والتفكُر والإبداع, كمصمم مواقع إنترنت أول مشكلة هتواجهك هي إدارة وقتك ومدى المعرفة اللي قدرت توصلها علشان تقدر تنافس في سوق العمل الحالي والمستقبلي لإن بدايتك للنجاح في تصميم المواقع مينفعش من غير وضع الخطط والأهداف قبل أي خطوة في بداية أي مشروع وطبعاً متابعة ومناقشة الأفكار الجديدة والموجودة بالفعل مع باقي فريق العمل أو العميل بتاعك.

متابعة قراءة تصميم مواقع الإنترنت: البحث عن المعلومات

الفلسفة التكنولوجية في إستخدام الإنترنت

العالم في تطور تكنولوجي كل يوم, وده معناه إن التقنيات الحديثة والمستقبلية هتزيد تعقيد لمواكبة متطلبات السوق بالنسبة للمطورين والمبرمجين وطبعاً مصممين السلع والتطبيقات والمواقع الإليكترونية, وبالنسبة للمستخدم العادي هيكون محتاج يتعامل مع التكنولوجيا والإتصال بالإنترنت بشكل بسيط وبدون تعقيد وطبعاً حماية وتشفير بياناته “كلنا عايزين معلوماتنا الشخصية تفضل شخصية” وبالرغم من كدة فدلوقتي فرصة مناسبة إن إحنا نتعلم أكتر عن البرمجيات والصناعة التكنولوجية والرقمية علشان لو مش هتقدر تكون ممثل في هوليوود بأرباح سنوية بتوصل لملايين الدولارات ممكن تكون مبدع رقمي او مبرمج وتوصل أرباحك السنوية لمئات الملايين فيه أمثلة حية بتثبت كلامي ويكفي بكتابة متصدر قائمة أثرياء العالم هو مؤسس شركة Microsoft السيد بيل جيتس, المقالة دي مش بتحاول توجهك إنك تكون بيل جيتس ولا أي حد غير نفسك والطريقة الوحيدة إنك توصل لأي حاجة هي إنك تجرب وتحاول الأول. متابعة قراءة الفلسفة التكنولوجية في إستخدام الإنترنت

11 صورة ليوم مليئ بالدخان في القاهرة

في يوم واحد مليئ بالأحداث وكثافة قنابل الدخان في محيط ميدان التحرير منذ بداية اليوم وهو 26 يناير 2013 الذي كان يوم الحكم على 21 متهم في قضية قتل المشجعين وأعضاء ألتراس أهلاوي وألتراس ديفيلز في إستاد بورسعيد, لقد فكرت في أن أشارك معكم بعض من الصور التي قمت بإلتقاطها كما أفعل مؤخراً بدون علامات مائية… كدت أن أُقتَلْ 3 مرات في هذا اليوم ولكن دائماً الحمدلله على كل شئ لذلك قد أُبالغ قليلاً بإنه كان يوم مليئ بالدخان لكن لنرى وندع الصور تتحدث عن نفسها. متابعة قراءة 11 صورة ليوم مليئ بالدخان في القاهرة

معرض حْرية الجماعي

معرض حْرية بسيط وجرئ وقام عليه مجموعة من الفنانين العباقرة, انا شخصياً بحترمهم جداً احمد حفناوي, جنزير, عمار أبو بكر, هاني راشد… أنا روحت صورت المعرض وهسيبكم تتفرجو على الصورة لكن الأول إتعرفو على فكرة المعرض من فنانيه اللي منهم أشهر فنانين الجرافيتي في الساحة: متابعة قراءة معرض حْرية الجماعي

شرح: كيف تسجل كل ما تسمعه على الإنترنت

يستهلك مستخدمين الإنترنت حاليا بشكل فعال وسائل التواصل الإجتماعي المختلفة  وبالأخص المعتمدة على الصوت أو الصوت والصورة, فإذا كنت من معجبين إحدى الفرق الموسيقية وغير متاح لك شراء موسيقاهم ولا يوجد روابط لتحميلها أيضا أو إذا كنت تستمع لأي شئ على أي موقع لا يسمح لك بتحميل ملفاته أو مهما كانت مشكلتك في طريقة الحصول على ملفاتك الصوتية على الإنترنت فإليك بعض الحلول لهذه المشكلة:

متابعة قراءة شرح: كيف تسجل كل ما تسمعه على الإنترنت